GIKUMPERMA sa taga City Health Office nga nagpositibo sa confirmatory test ang usa ka priso nga gipa-isolate sa Lagao PNP human nakitaan og sintomas sa COVID-19 virus.
Sa pahayag ni City Health Assistant Officer Dr. Lalaine Calonzo nagpositibo sa RT PCR test ang lalaking priso human nga unang nagpositibo sa Antigen test mibalay nga semana.
Tungod niini, padayong naka-isolate ang mao nga priso sa usa ka isolation facility sa Barangay Lagao samtang ginabantayan sa pulis nga dili maka- iskapo.
Gidugang ni Calonzo nga tungod nagpositibo sa confirmatory test ang usa ka dtainee sa Lagao PNP takda usab nila nga ipa-swab test ang tanang kaubang priso nga adunay contact sa unang nagpositibo aron makasigurado.
Sa karon wala pay tukmang petsa kon kanus-a ipailalom sa test ang tanang priso sa Lagao PNP gumikan aduna usab gi-schedule nga i- test sa usa ka mall sa GenSan, paningkamutan lang daw nilang Calonzo nga himuon kini sa madali nga panahon. Kahibaluan nga una na nga gibutangan og police line tape ang entrance sa presento tres human nga nakitaan og sintomas ang usa ka priso samtang gibawal una ang pagsulod sa mga dalaw sa bilanggoan. ( Ever Diazon)
