GIPAGAWAS sa LGU-GenSan ang Executive Order number 30 Series of 2021 nga ga-extend sa General Community Status kun GCQ, ug ga-amienda sa mga E.O numbers 25, 16 ug 28.
Nasayran nga sa maong E.O nga gipatuman sugod July 1 hangtud July 31, 2021, magpadayun ang gipatuman nga no Sunday movement, gipasayo nga curfew hour nga alas 10 sa gabii hangtud alas 4 sa sayong kabuntagon ingon man ang liquor ban.
Lakip usab sa maong kamanduan ang pagpatuman sa scheduled market day, pagtugot sa pag-abli sa mga mall apan musunod gihapon sa health protocols.
Gidili usab sa maong E.O ang mass gatherings mga sobra sa 10 ka tawo. Kahibaluan nga una nang mihangyo ang Philippine Medical Society GenSan chapter og 14 days hard lockdown apan gibasura sa mayor inay pahugtan ang implementasyon sa mga E.O’s ug health protocols.
