PORMAL nang gipasaka sa piskalya ang kasong dunay kalabutan sa pagbaligya og gidiling droga batok sa usa ka medical frontliner.
Matud ni PMajor Ananias Vasquez, hepe sa Tambler Police Station kasong pagsupak sa Republic Act 9165 o Comprehensive Dangerous Drugs Act of 2002 ang ilang gipasaka.
Batok sa dinakpan nga si Mark Evan Nair Tero Velarde, 36-anyos, nagpuyo sa Deca homes Subdivision, Barangay Calumpang ning dakbayan. Una nang gikaengong nga napalitan nila og usa ka putos sa gituohang shabu si Velarde gamit ang P500 marked money dungan sa operasyon.
Dugay na usab nga gitiktikan ang lihok ni Velarde human migula ang pangalan niini sa illegal drug trade. Sa taho sa presinto, si Velarde ang nurse sa City Health Office (CHO) isip Job Order (JO) apan tungod sa gikalambigitan niini nga ubang butang. Wala na na-renew ang kontrata niini apan subling gi-hire sa LGU ug gibutang sa Department of Education (DepEd) og nadestino sa COVID facility. ( Richel Gubalani)
Photo: GSCPO
