UYON ang Presidente sa Philippine Medical Association Gensan chapter nga si Dr. Fidel Peñamante sa pag luag sa mga health restrictions sa syudad sama sa pagwala sa curfew hour, ug pagtanggal og faceshield sa pampublikong lugar dungan sa ipagawas nga EO sa Local Government Unit.
Apan sumala niini sa mga gipaluagan nga health measures e-practice gihapon ang minimum health protocol sama sa pagsoot og facemask, social distancing ug proper hygiene.
Kay usa man gud sa nakita ni Dr. Peñamante nga bisan fully vaccinated na ang usa ka indibidwal aduna gihapon puruhan nga mataptan og mild symptom sa covid ug usa ka rason niini ang wala na pagtuman sa health protocol, maong hugot niyang gimando nga dili kini ibalewala aron makalikay sa sakit. Gidugang ni Dr. Peñamante nga ubos pa gyud ang porsyento sa nabakunahan, layo pa kaayo sa 459,732 nga target population.
Dako nga hagit alang sa mga vaccinators nga mapaspasan ang pagbakuna labaw na didto sa mga senior citizen nga nagadumili pa nga mabakunahan tungod sa pipila matud pa nga epekto, apan sumala ni Dr. Peñamante luwas ang magpabakuna ug normal lang matud pa ang masinatian nga epekto sama sa hilanat ug pagpanakit sa ulo. Kasamtangan anaa na sa 44% ang nagamit nga bakuna ug adunay daghang available nga brand sa niini ang naga abot sa dakbayan. ( Enamie Mogpon)
