Naga kueopkupan pa kat nasapwan ro sunog nga eawas it tatlong magmaeanghud kaeakip ro andang ina sa Barangay Pagdugue, Dumangas, Iloilo kaina it alas 4:40 it kaaganhun.
Nasayuran nga nagahaksanay pa ro magmaeanghud nga naga edad it 8, 6 ag 3 dag-on kat nasapwan sa andang kwarto.
Samtang ro andang ina nga 38yo ag sangka maestro hay nakit-an maeapit sa bangkay ku anang mga unga.
Ginapatihan nga posibleng nagtinguha pa ro ina nga makaguwa sanda pero bangud sa mabahoe ro kaeayo hay eubusan eon nga nasunog ro mga raya.
Madasig segun nga nagbahoe ro kaeayo bangud himo sa light materials ro nasambit nga baeay. / ANN DESLENE SALAZAR
