LEGAZPI CITY – Nagsagawa ng inspection ang Philippine National Police (PNP) Bicol sa itatalagang Regional Joint Security Control System (RJSCC) at Regional Election, Monitoring, Action Center (REMAC) sa PRO5 Multi-purpose Bldg, Camp BGen Simeon A Ola sa lungsod ng Legazpi.
Pinangunahan ni PBGen. Jonnel Estomo, ang Regional Director ng Pnp Bicol ang pag-iinspeksyon sa nasabing lugar.
Ayon sa Pnp ito ay ang magsisilbing control room kung saan tututukan ang bawat pangyayari sa buong rehiyon na may kinalaman sa nalalapit na eleksyon sa Mayo 9, 2022.
Ang paghahandang ito ay isang paraan upang matiyak ang isang maayos, tahimik at matapat na pagboto para sa mga Bikolano.
Ang KASUROG cops ay kakampi at kaisa ng komunidad upang gawing daan tungo sa pagbabago at pag-unlad ang halalan ngayong taon.
