Agud punggan ro pag-abo it mga kaso it COVID-19 transmission, ginmandu it lokal nga gobyerno ro sambilog ka province-wide liquor ban umpisa Enero 7.
Sa idaeom it Executive Order No. 002, ro pag-serve ag pag-inom it mga alak ag makahieilong nga ilimnon sa tanan nga mga establisyimento kapareho it mga bar, kiosk, commissary, ag mga restaurant.
Ginapagbawae man ro mga alak sa mga high-risk establishments ag sa mga aktibidad kapreho it mga pagpupueong, conference, workshop, kasaean, party, ag iban pa.
Ginlinaw man sa EO nga uwa ginapagbawae ro pag-inom it alak sa mga panimaeay.
Agud masigurado nga masunod raya, mahugot nga ginmanduhan ro PNP ag ro Local Task Forces nga subaybayan o maghiwat it patrolling sa bieog nga probinsiya./JIL B. LACSON
