LEGAPI-Inihayag ng Local Government Unit (LGU) Daraga na susuporta at mas papalakasin ang kampanya sa Covid 19 ng Department of Health (DOH).
Sa isinagawang launching sa Daraga North Central School sinabi ni Mayor Awin Baldo na makakaasa ang tanggapan na ibibigay ang kooperasyon at suporta mula lokal na Pamahalaan kontra covid 19 sa pamamamgitan ng pagbabakuna.
Suportado rin nito ang programa ni PBBM at ng DOH upang palakasin ang pagbabakuna laban sa nasabing sakit.
Dagdag pa nito, hinikayat rin ang lahat ng daragueño at senior citizens na huwag matakot sa bakuna dahil magbibigay ito ng proteksyon sa katawan ng tao laban sa naturang sakit.
Target rin ng Lgu na maabot ang 50% booster coverage at 90% coverage para sa mga senior citizens bago mag October 8, 2022.
