Ginapatihan nga ginrape it ap-at ka mga estudyante ro sambilog ka 17 dag-on nga dalagita nga may problema sa paminsaron sa Anilao, Iloilo.
Daywa sa mga suspek hay 21 dag-on; sambilog hay 24 dag-on ag ro sambilog manhay 22 dag-on.
Ginpahayag it mga kapulisan nga indi eun pag-pangaeanan ro mga akusado.
Base sa report it Anilao PNP, gindaea it daywa ka suspek sa tubuhan ro dalagita kung siin nagahueat man ro daywa pa nga suspek para himuon ro krimen.
Matapos ro insidente, ginpa-uli it ap-at nga akusado ro biktima ag insigida man raya nga nagsugid sa anang mga ginikanan.
Sa presente, ginkasuhan eun it Iloilo Provincial Prosecutor’s Office ro ap-at ka mga estudyante./JIL B. LACSON
