Nakatanggap ang gobyerno ng Pilipinas ng donasyon mula sa United Arab Emirates (UAE) para sa mga nasalanta ng bagyong Carina.
Ginanap ang turnover ceremony sa Ninoy Aquino International Airport kagabi, na dinaluhan ni Special Envoy to the UAE for Trade and Investment Ma. Anna Kathryna Yu-Pimentel, DSWD Secretary Rex Gatchalian, Interior Secretary Benjamin Abalos Jr., at UAE Ambassador Mohamed Obaid Alqattam.
Nagpahayag ng pasasalamat si Yu-Pimentel sa pamunuan ng UAE, partikular kay Pangulong Sheikh Mohamed bin Zayed Al Nahyan, Minister of Foreign Affairs at Deputy Prime Minister Sheikh Abdullah bin Zayed bin Sultan Al Nahyan, at Ambassador Alqattam.
Saad naman ni Sec. Gatchalia, hindi ito ang unang beses na tinulungan ng UAE ang Pilipinas dahil namahagi na rin sila ng tulong noong pumutok ang Bulkang Mayon.
