LEGAZPI CITY – Buminisita an mga personahes kan Bureau of Jail Management and Penology Bicol – Camalig District Jail sa opisina kan lokal na gobyerno.
Partikularmente nagduman ini sa opisina kan alkalde kun sain sinda naghagad ki giya manungod sa Resolution No. 2024-05 sa paagi nin sarong surat hale kay Acting Warden, SJO4 Jonathan Llaguno na ipinadara kan saiyang representantes na tuyong hagadon an eksperto kan alkalde sa pag-align kan mga lokal na inisyatiba kan banwaan sa mga direktiba na kasabay sa naunambitang resolusyon nganing epektibong maimplementar an mga probisyon kaini.
Nagkapira sa direktiba digdi iyo an pag-uphold kan paggamit kan Crime Clearance Efficiency Rate kaysa sa Crime Solution Efficiency Rate konektado sa pagebalwar kun ano an resulta kan mga Municipal Peace and Order Councils.
Mientrastanto binisito man kan alkalde an gawi kan mga ahensya kung sain saiyang tinawan-duon an importansya kan whole-of-government approach nganing mamantenir an seguridad kan publiko asin pase orden kan banwaan.
