LEGAZPI CITY – Nangangapodan an Department of Education Bicol sa mga magurang na may mga aking nasa school age na, na i-enroll na an mga ini sa kinder.
Segun kay DEPED Bicol Regional Spokesperson Mayflor Jumamil sa intrevista kan Brigada News FM Legazpi, may mga magurang na nagduduwa-duwa pang ipa-enroll an saindang aki huli ta amay pa.
Tinawan-doon kaini, an mga aki na ma-singko anyos antes o sa Setyembre 30, dapat maka-enroll na sa kinder. Dai na kaya ngunyan pigtutugutan na i-enroll tulos an mga aki sa Grade 1 na dai nag-aagi sa kinder nin huli ta bago na an curriculum ngunyan.
Mientrastanto, naabot na kan Bicol an target na 75% enrollees sa school year na ini kun sain uminabot na sa labi one million learners an nai-enroll sa mga pampublikong ekwelahan.
Sa ngunyan, padagos pa man na nag-aakomodar ki mga enrollees an mga DEPED schools, kun kaya pwedesir pang makahabol an iba pang mga estudyante.
