Nag-agum kang samad sa irong, liug, hita, kag nawala nga butkun si Christine Otadoy, 26 anyos, sangka sales/marketing sa PMFTC Inc., kag residente kang Brgy. Tabok, Mandaue City, Cebu matapos nga maglapaw sa kanal ang ginamaneho ka dya nga pick-up sa Brgy. Igbucagay, Hamtic, las-10:30 sa gabi-i, kang Agosto 30.
Suno sa Hamtic Municipal Police Station, samtang nagamaneho si Christine kang anang sarakyan halin sa San Joaquin, Iloilo paadto kun daad sa banwa kang San Jose, kang hinali lang dya naduraan kang kontrol sa manibela sa kurbadahun kag padulhog nga bahin kang karsada kang amo nga barangay rason nga dya ang maglapaw sa kanal.
Gindara naman kang sarakyan kang Philippine Coast Guard ang babayi sa Antique Medical Center para sa pagbulong samtang nag-agum naman kang wara pa ma man-an nga balor kang pagkaguba ang anang sarakyan.
