Nagahurikap kang maramig nga rehas kadya ang waiter nga si alyas Mik-mik, 30 anyos, residente kang Brgy. Funda-Dalipe, San Jose, kag ginakabig high value individual sa listahan kang Philippine Drug Enforcement Agency matapos madakup sa ginpatigayon nga buy-bust operation kang PDEA Antique Provincial Office, PDEU Antique PPO, kag San Jose MPS (SDET) kang Agosto 30, 2024, las-8:56 sa nasambitan nga lugar.
Nabuol sa suspek ang kapin 25 grams kang ginapatihan shabu sa diin rugyan sa P6,500 ang kada gramo kag may kabug-usan nga balor kang P170,000 nga ginlakipan naman kang 1 heat- sealed transparent plastic sachet nga amo ang buy-bust item; 9 ka heat- sealed transparent plastic sachets sa anang paghinakup, P6,600 nga buy-bust money, kag mga non-drug items.
Rugyan sa kustodiya kang San Jose MPS ang nasambit nga persona kag nakatalana pasakaan kang kaso tuhoy sa iligal nga droga.
