Anaa sa luwas nga kahimtang ang driver sa usa ka pick-up human nga nabalintog ang gimanehong sakyanan niini sa Km.81,Brgy. Sto.Niño, Bansalan, Davao del Sur.
Ang driver giila nga si Jessie Varona Valenzuela, minyo, samtang ang usa ka sakay niini si Fieño Valenzuela, pulos residente sa Roseville Subdivision,Davao City.
Subay sa imbestigasyon sa Bansalan Police Station, nasutang paingon sa Davao City ang mga biktima gikan sa Pigcawayan,Cotabato apan sa pag-abot niini sa nahisgutang lugar kalit kining napaingon sa pikas dalan ug nahagbong sa usa ka open drainage ug nabalintong.
Nasutang tungod kadangog sa dalan ang hinungdan sa maong aksidente ilabi na karon nga nakasinati og sagunson nga pag-ulan.
Nagpahimangno karon ang mga otoridad sa mga drivers nga maghinay-hinay lang sa pagmaneho aron malikay sa disgrasya sanglit dangog ang dalan ug likayan nga mag-inom og ilimnong makahubog kung magmaneho og sakyanan.
