Subling nagpahimangno ang Provincial Government sa Digos City sailang katawhan nga padayon ang ilang pagpahigayon og random inspeksyon sa tanang business establishments ug sa mga indibidwal kung fully vaccinated na kini.
Subay sa gipagulang Executive Order No. 53 series of 2021, sugod kaniadtong January 14, 2022 nga ang tanang business establishment, pwedeng mag-operate hangtod alas 11 sa gabie kung fully vaccinated na ang mga trabahante apan kung dili kini bakunado hangtod alas 7 lamang sa gabie.
Samtang, magpahigayon sab og random inspeksyon sa tanang customers ug sa mga indibidwal nga anaa sa gawas diin tugutan hangtod alas 12 sa kadlawon ang mga tawong fully vaccinated nga maglulinghayaw sa gawas apan kung dili bakunado kutob lamang alas 7 sa gabie.
Nakalatid sab sa maong EO alang sa mga indibidwal nga magsinupakon, mamahimong makamulta og 2,500 kung musupak sa maong mando apan kung dili makabayad mag render og community service alang sa first offense, sa second offense makabayad og P 3,000 kung dili makabayad mag-render kini og community service ug sa 3rd offense makabayad og P5,000 kung dili makabayad mag-render kini og community service.
Samtang alang sa business establishment, pahamtangan og P5,000 nga multa alang sa 1st offense samtang Revocation of Business Permit/License alang sa 2nd office. BNFM-Davao
