TANANG utang sa Philhealth sa mga ospital angayan gayud mabayran.
Kini ang gibutyag ni Dr. Hector Zenon Leonardo Malate, regional vice president sa Philhealth region-12 luyo sa gikabalak-an ni Sen. Imee Marcos nga basin manirado ang mga ospital sa nasud tungod sa utang sa Philhealth sa mga ospital nga wala mabayaran.
Sa region-12 matud ni Malate nga as of June 3, 2021 sobra 21,000 ang mga COVID claims ug 33 percent niini ang na-process na ug P15 million na ang ilang nabayad sukad miaging semana.
May sobra sa tulo ka libo ka claims ang gibalik sa ospital tungod kulang sa dokumento ug sobra na usab sa tulo ka libo ka mga claims ang ilang nabayran.
Dugang ni Malate adunay 60 days nga processing time ang Philhealth sa mga claims ug kung molampas na sa 60 days, kini ang ginakonsidera nila nga receivable sa ospital nga kinahanglan nilang mapaspasan usab nga mabayran.
Tanang claims usab moagi sa medical evaluators labi na karon nga kontrobersyal ang COVID-19 claims. Samtang gikumpirma ni Malate nga may tulo ka ospital sa region-12 nga nagpadayag nga temporaryong manirado dili tungod sa claims sa Philhealth apan tungod sa kulang nga admission tungod sa pandemic.
