NAGA CITY- Pormal nang binuksan ang Malasakit Center sa Cabusao Camarines Sur ngunit noong Marso pa lamang ay operational na ito o napapakinabangan na ng mga residente.
Sa panayam ng Brigada News FM Naga kay Philippine Charity Sweepstakes Office (PCSO) Camarines Sur Provincial Manager Jobet Ramos, sinabing ito na ang ika-123 na Malasakit Center sa bansa na matatagpuan sa Bicol General Hospital and Geriatric Medical Center.
Mababatid ang naturang pasilidad ay isa sa mga proyekto ng pamahalaan kung saan pinag-isa ang mga tanggapan ng gobyernong malalapitan ng mga may kailangang tulong para sa hospitalization tulad ng PhilHealth, Department of Social Welfare and Development Office at iba pa.
Katulong din ang PCSO para sa hospital bills.
