Patuloy na ipapatupad ang 21 day interval sa pagitan ng first at second doses ng reformulated Pfizer vaccine para sa mga batang may edad lima hanggang 11-taong gulang, sa kabila ng bagong datos mula sa World Health Organization na nagsasabing ang second dose ay dapat ibigay ng apat hanggang walong linggo, matapos ang una.
Ayon sa WHO, ang mahabang interval sa pagitan ng mga doses ay may kinalaman sa mataas na effectiveness ng bakuna at potensyal na pagpapababa sa risk ng myocarditis o pericarditis.
Sa kabila nito, susundin parin ang status quo hanggang sa mareview ang naturang pag-aaral ng Vaccine Expert Panel.
Sinabi naman ni Dr. Nina Gloriani, Chairman ng Vaccine Expert Panel, na susundin ng Pilipinas ang mas maiksing interval sa pagitan ng doses para mabalanse ang epekto ng omicron. //MHEL PACIA-TRINIDAD
