Madinalag-on nga nakasekyar sang medalya ang duha ka atleta nga bugal sang Roxas City, Capiz sa hampang nga Pencak Silat sa nagapadayon nga Palarong Pambansa 2024 sa Cebu City.
Nakuha ni Ma. Jannele A. Abala, residente sang Inzo Arnaldo ang Gold Medal sa Class B Tanding samtang Silver Medal naman sa Class A Tanding ang nasekyar ni James Bryant R. Bolante nga residente sang Brgy. Milibili, Roxas City.
Matandaan, lunsay nangin madinalag-on man ang mga ini matapos ginrepresentar ang Capiz sa bag-o lang tapos nga 1st Aklan Pencak Silat National National Tournament Championship sa Kalibo, Aklan.| Ken Mark Gicalde
