Posibleng aprubahan ng national government ngayong linggo ang mga panuntunan para sa pagpapahintulot na makapasok sa Pilipinas ang mga foreign tourists mula sa “green” countries.
Una nang kinumpirma ni Tourism Secretary Bernadette Romulo-Puyat na aprubado na “in principle” ng Inter-Agency Task Force for the Management of Emerging Infectious Diseases, ang pagpasok ng mga fully vaccinated tourists mula sa Green List countries/territories/jurisdictions.
Kabilang sa mga bansa na isinama ng Pilipinas sa kanilang “green” list ay ang Japan, China, Saudi Arabia, United Arab Emirates, India, at iba pa.
Binigyang diin naman ni Romulo-Puyat na ang kontribusyon ng turismo sa gross domestic product ay bumaba sa 5.4% dahil sa pandemya na nagresulta sa pagkawala ng trabaho sa halos 1.1 million tourism workers. //MHEL PACIA-TRINIDAD
