Nagkaaregloro daywa ka panig sa kaso it pagkamatay it laeaki nga naatrasan it Pison sa Caticlan, Malay, Aklan.
Ginkilaea ro nasambitan nga biktima nga si Stephen Sajise, 31-anyos, ag residente it Barangay Habana, Nabas, Aklan. Samtang, ginkilaea man ro drayber nga si Joan Segura, 32-anyos it Cabatuan, Iloilo.
Matadaan nga natabo ro insidente ku Pebrero 23, 2022 samtang gina-gabayan it biktima ro drayber it pison sa anang pag-atras, pero sa uwa gina-asahan nga kahiwatan naatrasan eun nana si Sajise.
Nag-angkun it patal nga nina sa dughan, tyan, ag mga marka it turnilyo sa eawas ro biktima nga insigida nga ginsugod sa ospital pero gindeklara man raya it doktor nga Dead-On-Arrival.
Sa ulihi, nagkasugot ro drayber ag pamilya ni Sajise nga si Segura ro masabat sa tanan nga baeayran sa pagpa-uebong sa biktima./JIL B. LACSON
