Giawhag ni Vice Mayor Sebastian Z. Duterte ang Davaoenos nga makigduyog sa virtual celebration sa ika 83 nga Araw ng Davao karong Marso.
Bisag giluagan na ang restrictions, gidesisyonan nga ipabilin gihapong virtual ang kapistahan tungod anaa pa gihapon ang bahad sa covid 19.
Giawhag ni Duterte nga i-enjoy ang mga prutas ug ubang pagkaon sa Davao atol sa kasaulugan apan kinahanglang ipatuman gihapon ang health protocols.
Sumala ni Generose Tecson, head sa City Tourism Operations Office nga ginaduso ang new normal situation luyo sa kasayuran nga ang covid 19 anaa lang gihapon sa palibot.
Bugtong solusyon ang padayong pagpatuman sa Minimum Public Health Standards inubanan sa disiplina . BNFM-Davao
