Dismayado ro pamilya Wilhem Castor sa daywa ka mga ospital nga andang gin-agtunan sa probinsiya it Capiz.
Base sa pahayag it unga it biktima nga si Wilmer Castor, nag-ani it paeay ro anang tatay ag aksidente nga ginlamon it blower ro ap-at nana ka mga tudlo .
Insigida man nga gindaea it pamilya ro biktima sa Tapaz District Hospital kung siin gintaw-an raya it mga staff it first aid pero bangud uwa it available nga doktor para mag-opera o magtahi sa nina, gin-advisan sanda nga mag-adto sa Roxas Memorial Provincial Hospital (RMPH).
Pag-abot sa RMPH, naghueat pa sanda it pilang oras bago may nagpaeapit nga doktor ag ginhambean nga indi nanda raya nga ma-accommodate bangud uwa segun it referral halin sa Tapaz District Hospital nga may maabot nga pasyente nga nautdan it tudlo.
Kasunod dikara, nagsaeabtanan ro pamilya ag ro nasambitan nga doktor pero sa ulihi, nagdesisyon ro doktor nga resetahan eun eamang it anti-tetanus nga bueong ro pasyente bangud nanindugan raya nga indi nanda pwede nga i-accommodate ro pasyente bangud may ginasunod nga protocol.
Nagdesisyon eun eamang ro pamilya nga daehon ro pasyente sa Pototan, Iloilo agud mapabuoeng.
Nakumpirma man nga may nervous breakdown ro pasyente./JIL B. LACSON
