Ginreport it sambilog ka 15-anyos nga dalagita ro sambilog ka senior citizen matapos segun nga manghulikap raya it maselan nga parte it anang eawas sa Sitio Nipa, Barangay Culasi, Capiz.
Base sa dalagita, nagabaktas segun sanda it anang mga amiga sa baybayon kat mapansin nanda nga may nagasunod nga senior citizen sa andang likod.
Nangutana pa ro 60-anyos nga suspek sa anda kung sin-o ro tag-ana sa anang nakit-an nga ID.
Ginkumpirma man it nanda nga bukon it anda ro ID pero bigla eun eamang ginbuytan it lolo ro pribadong parte it eawas it dalagita rason nga raya hay nakibot ag nagtinagis.
Bangud dikara, nagdesisyon ro biktima nga ireport ro insidente sa kapulisan, nasuyran nga hilong ro senior citizen kat natabo ro insidente.
Sa presente, padayon gihapon ro imbestigasyon it Roxas City Police Station sa kaso./JIL B. LACSON
