Ginbaton it Department of Environment and Natural Resources (DENR) nga ginrepresentar ni DENR 6 regional executive director Livino B. Duran, ro responsibilidad nga igapadayon ro proteksyon, konserbasyon, ag pagpamalakad sa rehabilitated Wetland No. 2, nga kilaea man bilang Boracay Wetland Conservation Park.
Ro Wetland No. 2, nga makit-an sa Sitio Pinaungon, Brgy. Balabag, hay masobra pitong ektarya. Raya hay gin-rehabilitate sa sueod it tatlo ag tunga ka dag-on it adopter nana nga Energy Development Corporation (EDC) nga ginlunsar ku 2018 ni DENR Secretary Roy A. Cimatu. Ro Programa hay nagtuyo nga mabuoe nga suporta it sektor it negosyo agud makabulig sa pagpahaboe it pagsisikap sa restoration it mga wetlands sa Boracay Island.
Base pa kay Duran, ro Wetland No. 2 hay sambilog sa importante nga wetland ecosystem sa Boracay Island. Raya hay bag-o nga ecotourism attraction nga magaserbe bilang learning laboratory –sambilog ka arboretum para sa mga environmental enthusiasts ag environmental practitioners./JIL B. LACSON
