MIHINA ang palit sa karne sa merkado atol sa Semana Santa gumikan nagalikay ang mga miyembro sa simbahang Katoliko sa karne apan sa karon hinay ang palit gumikan sumala pa nahutdan og kwarta ang mamalitay nga nagbakasyon.
Sumala sa pangulo sa Meat Vendors Multipurpose Cooperative nga si Toto Mosqueda nga kaniadtong Holy Week hinay ang palit sa ilang karne kay dayag na sa tanan nga basta Semana Santa wala nagapalit og karne ang mga Katoliko.
Human sa Semana Santa gibati gihapon nila ang kahinay sa palit og ang iyang panglantaw niini nahutdan og kwarta ang mga pamilya nga nagbakasyon sa holidays.
Gidugang ni Mosqueda nga ang Farm Gate Price karon sa baboy anaa sa 185 pesos matag kilo mao nga nagpabilin usab ang ilang Suggested Retail Price nga nakapaskil sa ilang bulletin board nga makita sa mga mamalitay kon mosulod sa karnehan.
Kontento na usab daw kini sa gipakita nga lakang sa taga City Veterinary Office pinaagi ni Dr. Antonio Marin sa gibutang nga checkpoints sa mga utlanan aron walay makalusot nga buhing baboy o kaha naproseso na gumikan sa ginalikayan nga African Swine Fever kon ASF. I Ver Diazon
