NAGAPANAWAGAN karon ang usa ka lumulupyo sa Purok San Lorenzo, Brgy. Apopong sa mga taga City hall nga paspasan ang giproseso nga ayuda alang kanila kay adlaw adlaw sila nga nagakaun unya may mga estudyante pa samtang dili pa nila mapuslan ang mga piso nga gihatag kanila kay gagmay pa.
Sa pahayag ni Lucela Agbay, usa sa backyard hog raiser nga nakuhaan og gi-culling nga baboy nga gi-alegar nga nag positibo sa ASF nga kinahanglan nila og ayuda financial gumikan ang gihatag kanila nga mga hayop dili pa nila mapuslan kay gagmay pa.
Sumala ni Agbay nga ang unang nahatag nga mga piso wala pa nakaabot sa usaka kilo kusog pa mokaun, ang kanding nga gihatag sa taga DA gagmay pa usab kay sa usa ka kanding nga lalaki tulo sila nga tag-iya unya ginatugway tugway pa.
Gikumperma usab ni Agbay nga gihatagan sila og tag usa ka libo ka pesos nga ayuda gikan sa barangay ug ilaha kini nga ginapasalamatan,samtang gihatagan usab sila og tag duha ka kilong bugas gikan sa LGU Gensan unya gipaperma og alang sa dugang ayuda apan usa ka bulan na ang milabay wala pa sila makadawat.
Tungod niini pinaagi sa Brigada naga panawagan si Agbay sa taga LGU kon si kinsa man ang nagproseso sa ayuda financial nga paspasan kay nagakaun sila taga adlaw unya aduna pay esatudyante og walay laing panginabuhian. I Ver Diazon
