Gindeklara nga dead on arrival ang sangka pahinante nga ginkilala kay Jonavan Pedro, 33 anyos, kasado, kag residente kang Sitio Libudon, Brgy. Walker, San Remigio, Antique matapos ka dya nga maglumpat sa ginasakyan nga wing van truck nga ginmaneho naman ni Neomar, 40 anyos, kasado, kag residente kang 2910 Apelo Cruz St., Pasay City, Metro Manila kang dya ang sa kurbadahun nga karsada sakup kang Brgy. Calacja 1, Hamtic, las-3:20 kaina kang kasanagun, Agosto 27.
Suno sa impormasyon nga nabuol kang Brigada News FM Antique, nagabyahe ang nasambit nga wing van truck nga may karga nga 180 ka sako kang bugas kag masobra 100 nga sako kang feeds halin sa Iloilo City paadto kun daad sa Sibalom.
Apang, pag-abot sa kurbadahon nga portion kang national road kang amo nga lugar, hinali nagbukas ang left-wing kang truck sa diin dya naman ang gintunaan kang pagkagwagwag kang mga sako kang bugas kag feeds sa karsadahun kag rason man kun andut natampungawan ang nagakaturog nga si Jonavan kag naglumpat halin sa truck.
Bangud sa insidente, nag-agum kang serious head kag chest injury ang biktima sa diin ginhingagaw pa dara kang Hamtic MDRRMO sa Angel Salazar Memorial General Hospital sa San Jose, ang lalaki apang dya ang ginbawian ron kang kabuhi.
Sa kadya, rugyan ang bangkay kang biktima sa Fonus Antique.
