Arestado ng mga tauhan ng CIDG si Daraga Mayor Carlwyn Baldo, ang isa sa mga co-accused sa pagpatay kay AKO-BICOL part-ylist Rep. Rodel Batocabe at police escort nito na si PSMS Orlando Diaz noong December 2018.
Sa ulat mula kay CIDG Director P/MGen Leo Franciso, inaresto si Baldo sa bisa ng warrant of arrest dahil sa 2 counts ng kasong murder na inilabas ng Korte.
Nahuli sya ng mga awtoridad kaninang 12:45 ng madaling araw sa Camalig, Albay.
Paliwanag ni Franciso, mula nang ma-activate ang Special Investigation Task Group-BATOCABE, hindi nila tinantan ang pagtutok sa kaso mula sa filing ng murder kay Baldo, at 5 pa nitong co-accused.
Maaalalang naganap ang pamamaril kay Batocabae noong December 22, 2018, sa isang Christmas party para sa mga senior citizen sa Brgy. Burgos, Daraga, Albay.
