Wara ron kang pulso kang natukiban ang lawas ni Mark, 38 anyos, kasado, sangka tricycle driver, kag residente kang Sitio Bungol, Barangay Abaca, Tobias Fornier, matapos ginapahayag gin-utas ang kabuhi kang Agosto 26, las-9:20 sa aga sa sulod kang andang balay.
Suno sa impormasyon, nakabaton kang tawag ang Tobias Fornier Municipal Police Station halin sa sangka pumuluyo nga nagabitay ron si Mark sa andang balayan gamit ang kalat samtang ginapatihan man nga problema sa pamilya ang rason kang ginhimo kang lalaki.
Gindara naman kang MDRRMO Tobias Fornier si Mark sa President Diosdado Macapagal District Hospital, apang gindeklara ron nga patay.
Nagapati ang pamilya ni Mark nga wara kang foul play nga natabo.
