-Reymund Titong
KABANKALAN CITY, Negros Occidental — Gina-alegar nga pagtanom sang kahadlok sang mga New People’s Army (NPA) ang tactic sang grupo agud nga marekober ang ila huyang nga pwersa, suno kay Lieutenant Dan Carlo Samoza, ang civil-militaray operations officer sang 79th Infantry Battalion.
Dugang pa ni Samoza, indi na magsobra sa pito ang aktibo nga NPA ang nabilin sa Northern Negros Front (NNF), ang isa sa lima ka larangang guerilla sa probinsya nga gin-deklarar sang gobyerno nga “dismantled” ukon nabungkag na.
Pahayag ni Samoza, nga may namonitor sila nga pag-organisa sa Norte nga bahin sang probinsya gamit ang gina-alegar propaganda nga nga kontra sa mga programa sang gobyerno. Apang, suno sa military official, naga-panugid na sa ila ang mga miyembro sang komunidad, kag amo ini ang sinyales nga wala na maynabilin nga “mass base” ukon masa ang NPA.
Read: ‘Mass base’ sang NPA sa Negros, wala na may nabilin suno sa militar
Madumduman, nga duwa ka engkwentro ang nagluntad sa probinsya. Una sa banwa sang Moises Padilla, sa diin may napatay nga gina-alegar NPA, kag ang ika duwa nga engkwentro ang nagluntad sa banwa sang Calatrava, kag may na report man nga kaswalidad.*
Read: NPA, patay sa engkwentro sa Moises Padilla; M16 kag magazines narekober! — 62IB
