DAKO ang pagtuo ni Dr. Fidel Peñamante, labaw sa Philippine Medical Association o PMA GenSan nga malikayan lang ang pagkatag sa COVID-19 sa pagpangampanya kung sundon lang gayud sa hingpit ang minimum public health standard.
Segun niini nga padayun usab ang vaccination campaign ug sa edad 5-hangtud 11 anyos na hinungdan halos tibuok pamilya na ang mga nabakunahan.
Hinuon bisan daghan na matud pa ang nabakunahan sa GenSan, dili kini garantiya nga dili matakdan, apan dili na mosangko sa mas grabeng kumplikasyon hinungdan nga ginaawhag ang mga wala pa nabakunahan, magpabakuna na.
Sa pagwagtang na sa face mask, gibutyag ni Peñamante nga muabot lang sa maong higayon kung mapaubsan na ang pandemic.
Sa karon, padayun ang pagkunhod sa kaso sa COVID-19 sa GenSan tungod nagbunga na ang vaccination campaign sa gobyerno ngadto sa general population.
