LEGAZPI CITY – Dahil sa namataang pagdami ng mga kaso ng pagnanakaw sa bayan ng Camalig, Albay, ipinag-uutos ngayon ni Municipal Mayor Caloy Baldo ang pagpapaigting ng police visibility.
Nais ng alkalde na ang mga kapulisan sa bayan ay magsagawa ng pagbabantay sa mga barangay lalo na sa mga paaaralan upang maprotektahan at matiyak ang seguridad ng publiko.
Bukod naman sa kapulisan, hinihikayat din ni Baldo ang mga namumuno sa barangay tulad ng mga kapitan pati ang mga tanod na magkaroon ng monitoring sa kanilang mga teritoryo upang makatulong din na mapigilan ang anumang uri ng mga krimen.
