GIKASUBO sa mga kaubanan sa media ang pagkamatay sa journalist, reporter ug correspondent sa Philippine Daily Inquirer nga si Aquiles Zonio, 55-anyos.
Segun ni Edwin Espejo, usa usab ka freelance writer ug journalist nga nakadawat kini og mensahe gikan sa igsuon ni Zonio gikan sa Amerika nga namatay na kini.
Sa pagkahibalo ni Espejo, lymphoma cancer ang hinungdan sa kamatayon ni Zonio apan sa post sa igsuon niini didto sa Amerika, namatay ang nahisgutan sa COVID-19.
Gibutyag ni Espejo nga na-diagnose sa COVID-19 si Zonio niadtong July 20 ug na-confine sa Doctors Hospital sa GenSan.
Sa nasayran usab niini, miaging tuig pa naga-chemo si Zonio sa iyang sakit.
Nalab-as pa ni Espejo ang kaniadto diriyot usab nga pagkapagan ni Zonio kauban ang 32 ka media practitioner sa Maguindanao massacre on November. 23, 2009 apan mibalik sila sa balay ug wala naka-apil sa convoy nga gipaarakan.
Nabiyaan ni Zonio ang iyang upat ka anak gikan sa unang asawa ug kapuyo. Alang kang Espejo usa ka kugihan nga tawo si Zonio ug daghan ang kasinatian sa trabaho isip journalist ug gikonsidera pa nga swerte nga tawo tungod tungod kanunayng nakauban si Sen.Pacquiao sa abroad.
