NAPULO ka adlaw nga temporaryong sirado ang Municipal Treasurers Office sa Malungon, Sarangani Province tungod sa gipahigayong disinfection ug pagsunod sa 10 days quarantine protocols.
Kini ang gikumpirma ni Malungon Mayor Atty.Tessa Constantino human nga pito ka mga personnel sa maong buhatan ang nagpositibo sa COVID-19.
Mokabat sa 58 as of August 10 ang aktibong kaso sa COVID-19 sa Malungon ug gibutyag ni Mayor Constantino nga anaa lang sa mild symptoms ug walay moderate to severe nga mga pasyente sa maong sakit.
Anaa matud pa sa ilang temporary treatment and monitoring facility ang mga nagpositibo sa COVID-19. Alayun niini, padayun ang pagpatuman sa hugot nga mga patakaran batok sa maong virus, lakip ang checkpoint tungod ang Malungon ang border sa mga lugar sa region-12.
Gipasalamatan usab niini ang 31 ka barangay nga walay puas nga gahimo sa ilang tahas aron depensahan ang ilang lugar batok sa COVID-19.
Gikuha una sa Malungon LGU ang mga contact tracers nga mi-expired na ang contract nga gina-augment kanila sa DILG aron mapadayun ang kusog nga contact tracing.
Gitino usab sa mayor nga mitaas ang ilang kaso tungod sa gipakusog nga testing batok sa COVID-19.
