Nakig-alayon na ang lokal nga panggamhanan ning syudad sa Davao sa pamunuan sa Southern Philippines Medical Center (SPMC) alang sa paspas nga cremation sa mga indbidwal nga gisuspetsahang namatay tungod sa COVID-19.
Sigon kang Davao City Mayor Sara Duterte-Carpio, kini aron malikayan ang subli na usab nga pagtapun-og sa mga patayng lawas nag dili dayon maproseso gumikan sa daghang mga isyu.
Sukad Abril sa miaging tuig hangtud karong panahona anaa na sa kinatibuk-ang 944 cadavers ang na-cremate kung diin karong semanaha lang moabot pa sa 12 ka patayng lawas ang naghulat sa cremation.
Subay sa bag-ong nasabutan, motabang na amng City LGU sa pagprosso sa mga cadaver kung malisdan na ang SMPC sa pag-cater kung asa ang Davao City crematorium sa Wireless Cemetery ang niabaga sa cremation sa Covid-19 related deaths.
Kahibaluang ang cremation magdepende sa rekomendasyon sa mga doktor, kini kung namatay ang psasyente tungod sa COVID-19 o gisuspetsahang namatay tungod sa maong sakit. BNFM-DAVAO
