Gisiguro ni Mayor Sara Duterte nga kayang kab-uton sa syudad ang laraw nga herd immunity pag-abot sa bulan sa Nobyembre karong tuiga.
Dungan usab niini ang pasalig nga dili maapektuhan ang iyang trabaho isip LCE sa dakbayan taliwala sa iyang paglibot suroy nagkadaiyang lugar sa nasud.
Gihingusgan sa Mayor nga natuman niya ang iyang mga trabaho pinaagi sa gihatag nga mga tahas sa Department Heads gawas pa sa bise alkalde nga si Vice Mayor Sebastian Duterte nga kanunay nakamonitor sa katikaran sa syudad.
Kini ang tubag ni Mayor Inday sa nahimong padungog-dungog ni Manila Mayor Isko Moreno nga mas maayong mututok una kini sa ginsakupan ayha atupagon ang pulitika.
Kahibaluang mokabat na sa 257,253 ang nahatag nga doses sa nagpadayong vaccination drive samtang nanawagan ang Mayor sa National Task Force on COVID-19 nga dugangan ang doses alanmg sa Davao City dungan sa hinay-hinay nga pag-abli sa ekonomiya.BNFM-DAVAO
