GI-ATANGAN karon sa Komitiba sa Games & Amusement nga gipangulohan ni Konsehal Roger Abaday ang hingpit nga panugot ni City Mayor Oscar Moreno sa subling pag-abli sa traditional sabong sa dakbayan.
Alayon usab kini sa pagpa-ilawom sa IATF sa Alert Level – 1 ning siyudad.
Gipamahayag kini ni Konsehal Abaday sa mga cockpit owners human ang komitiba ug ang Konseho sa Syudad mirekomendar ngadto sa buhatan sa mayor sa hangyo sa mga nanag-iya ug nagdumala sa mga sabongan.
Dugang sa Konsehal nga igo lamang sila sa pagrekomendar ug nahimo na niini ang tahas sa komitiba apan ang pinal nga desisyon magpabilin kini sa Mayor.
Hisayrang subling mihanyo ang mga cockpit owner nga maka balik na ang ilang operasyon sa traditional sabong human sa duha ka tuig nga pagsira tungod sa Covid-19. – END – (AD)
