MIUBOS ang ihap sa dengue cases ug death sa Soccksargen sulod sa tulo ka bulan karong tuiga tandi atong 2021 sa samang panahon. Sa datus sa Department of Health (DOH) 12, nakarekord ang rehiyon og 1,022 dengue case atong Enero 01 hangtud Marso 12, 2021.
Samtang karong tuiga nakatala ang DOH-12 og naa sa 340 kaso sa dengue nga dunay tulo ka dengue death. Karong tuiga, nakatala og 93 ka kaso ang Sarangani, 76 cases sa South Cotabato, 63 sa North Cotabato samtang 55 sa GenSan.
Sa tibuok rehiyon, ang GenSan lang ang natala og tulo ka death death apan naa sa below alert epidemic threshold ang dakbayan. Matud ni Dr. Sulpicio Henry Legaspi, DOH-12 assistant director, miubos ang kaso sa dengue gikan nakalabay’ng tuig tandi atong 2019 nga misaka sa 151% ang kaso.
Giawhag ni Legaspi ang publiko sa padayong pagbatasan sa 4S strategy: search and destroy mosquito breeding places, secure self-protection, seek early consultation ug support fogging/ spraying operation sa dengue hotspot areas aron makonhuran ang ihap sa kaso sa sakit. I Richel Gubalani
