LUYO sa mga negatibong komento sa mga netizen sa nagpadayong pagpangeta sa kapulisan sa lider sa Kingdom of Jesus Christ nga si Pastor Apollo Quiboloy sa Davao City.
Gibutyag ni Police Brig. Gen James Gulmatico, Officer In charge sa Police Regional Office (PRO) 12 sa gipagula nga bidyo sa PRO-12 official facebook page.
Gihingusgan niini nga dunay paigong basehan ang kapulisan partikular na ang PRO-11 sa nagpadayon operasyon sa kasamtangan. Giklaro usab ni Gulmatico nga nagpakita lang ang aksyon nga patas ang hustisya sa mga yanong tawo.
Ang pamahayag ni Gulmatico ang 11 kaadlaw human nag-mobilise kini og 400 forces gikan sa PRO-12.
Tumong sa pagtabang sa padayong pagpangeta sa kapulisan kang Quiboloy nga dunay warrant of arrest sa pipila ka kaso. I Richel Gubalani
