UBOS ang non-compliance rate sa sagad fishing company sa GenSan, base sa datus sa Department of Labor and Employment (DOLE) 12.
Matud ni Joel Gonzales, regional director sa DOLE-12 naa lang sa 30.56 % ang compliant rate sa maong mga kompanya sa labor standard.
Apan nakita ni Gonzales nga usa sa hinungdan niini mao ang informality sa work arrangement sa sagad sa mga fishing workers.
Asa daghan sa mga nasangpit ang nagpabalhin- balhin og gisudla’ng kompanya hinungdan sa walay remittance sa social services.
Giangkon sa opisyal nga duna usab mga kompanya nga padayong wala nagsunod sa standard.
Luyo sa gipagula nga Department Order (DO) 156-16 sa DOLE ang employment standards.
Una nang, gibutyag sa pipila ka mananagat nga nakaestorya sa Brigada News team nga padayon ang dili maayong system sa panagat.
Sama sa padayong pagpatuman sa pipila ka kompanya sa ‘karga bukol’ scheme nga usa sa rason sa paghawa sa mga workers sa kompanya. I Richel Gubalani
