Mokabat sa kapin P500, 000.00 kantidad sa droga ang narekober sa mga kawani sa Bureau of Jail Management and Penology-XI sa Davao City Jail compound sa Maa, Davao City alas sais sa gabie sa miaging Sabado.
Subay sa report ang maong droga gisulod sa usa ka gamay’ng bola nga gitaptapan og electrical tape nga boot untang ipalusot sa pasilidad.
Gilabay matud pa ang bola apan nasangit kini sa net og wala nakasulod hinungdan nga gisubay dayon sa mga personahe sa City Jail og didto napalgan ang bola nga dunay unod unom ka dagkong sako sa gitoohang shabu.
Kasamtangan karong gikustudiya sa Philippine Drug Enforcement Agency-XI ang narekober nga kontrabando. BNFM-DAVAO
