HUGOT ang pagbantay sa mga otoridad sa “sea borders’ aron mapungan ang pagsulod sa mga biyahedor ug mananagat gikan sa Indonesia tungod sa bahad sa kuyaw nga Covid-19 Delta variant.
Matud ni PLt.Col. Fernando Cunanan Jr., Chief sa Regional Maritime Unit (RMU) 12 nagpahigayon na sila og sea ug foot patrol. Lakip na sa Glan, Sarangani Province nga duol sa Balut, Island nga duol lang usa sa nasud Indonesia.
Dugang niini, gihugtan nila ang pagbantay sa “sea border” gikan sa Balut, Island nga sakop na nila karon aron masiguro nga dili makalusot ang mga personalidad gikan sa maong lugar padulong sa GenSan ug Glan. Nagpagawas usab og ‘advisory’ ang DOH-12 sa mga LGU’s kalabut sa lakang nga himoon kung dunay personalidad gikan sa Indonesia nga makasulod sa ilang.
Una nang, gipulong ni Glan Mayor Vivein Yap ang 16 ka kapitan sa munisipalidad, Philippine Navy – Glan Station, Philippine Coastguard – Glan Station,Maritime, Glan PNP ug Bureau of Immigration kalabut sa “Border Sea Patrol Policy on Covid-19.” Pipila ka adlaw ang milabay, gianunsiyo nga bawal usa ang pagsulod sa taga Indonesia sa Pilipinas tungod Covid-19 Delta variant. ( Richel Gubalani)
Photo: for Illustration purpose only
