GITAKDANG tukion sa session sa Barangay Buayan ang insidente sa pagpanghapak og baso nga may sulod nga tubig ni Kapitan Rogelio Solis ngadto sa walang mata ni Kagawad Marieta Mission.
Kini ang gibutyag ni Kagawad Alex Rafanan nga posibleng tukion ang maong panghitabo apan wala na nila gilauman ang pagtambong ni Kapitan Solis, asa dili mutuo nga mahimo ni Mission ang gialegar sa ilang kapitan.
Una nang gihingusgan sa mga kaubanan ni Mission nga bakakon si Solis ug dili usab makatuo nga ang babayeng kagawad ang unang milaparo sa kapitan hinungdan nahulog ang samin niini sa salog.
Alang usab kang Mission, iyang idayun ang reklamo batok kang Solis tungod gihingusgan nga siya ang gipasakitan nga unta magpapirma man lang kini sa proof of residency sa kapitan.
Nagtuo ang barangay kagawad nga may kasuko kaniya ang kapitan tungod sa kaso niini nga gilambigitan sa iyang mipanaw nga bana ug sa kanhing kapitan sa Buayan nga suod kaniya. Giadtoan usab sa Brigada ang barangay hall ug balay mismo ni Kapitan Solis, apan wala kini ug nagbutyag ang iyang mga tawo sa barangay ug sa ilang balay nga wala kini, hinungdan abli gihapon ang istasyon sa tubag sa kapitan.
