Hugot karong gimonitor sa Davao City Police Office pinaagi sa mga police stations niini ang operasyon sa online sabong, nunot kini sa mando ni Pangulong Rodrigo Duterte nga undangon ang operasyon sa e-sabong.
Matud kang DCPO Spokesperson Maj. Maria Teresita Gaspan sa gipahigayong AFP-PNP Press Corps Southern Mindanao Media Beifing kagahapon, illigal gambling ang kasong atubangon sa mga nagapadagan og e-sabong nga walay permit.
Wala usab matud pay rason nga maglusad og operasyon ang mga operators dinhi sa syudad sanglit wala sila gihatagan og permit.
Kahinumdumang gi-veto ni Davao City Mayor Sara Duterte-Carpio ang sugyot ordinsan nga himoong legal ang operasyon sa online sabong sa dakbayan.
Sa pikas bahin, magpahigayon usab og surprise inspection ang kadagkuan sa DCPO ngadto sa mga mobile phone ug gadgets aron sutaon kadtong nagadula ug nalambigit sa e-sabong.
