Uyon ang Department of the Interior and Local Government XI sa desisyon sa Department of Health nga kausa kada semana nalang magpagawas og update ang ahensya kabahin sa sitwasyon sa pandemya sa nasud.
Apan bisan pa man sa sinemana nga update gisiguro matud pa sa DOH nga magpagawas dayon og mga impormasyon ilabi na kung kini “urgent” o importante aron masayran gilayon sa katawhan.
Aminado ang buhatan nga hinay-hinay nawala ang interes sa publiko sa mga datus nga gipagawas sa DOH kada adlaw ilabi na usab karon nga nagsugod na ang dagkong kalihukan tungod sa election campain season.
Sa laing bahin girespeto usab ni DILG-XI Regional director Alex Roldan ang posisyon sa medical sector nga wrong timing ang pagbutang sa syudad ubos sa Alert Level 1 tungod matud pa sa ilang paningkamot.
Una niini gitawag nga wrong timing ni Dr. Jose Beltran, ang presidente sa Metropolitan Davao Medical Society ang Alert level 1 status sa Davao City kini tungod sa election period pa.
Mas maayo sumapa pa nga ipabilin una sa level 2 ang dakbayan hangtud nga matapos ang eleksyon.
