Magsasagawa ng isa pang set ng facilitated SIM card registration ang National Telecommunications Commission (NTC) sa mga mahihirap na marating na mga lugar ngayong linggo.
Sa tulong ng local government units (LGUs), muling magkakaroon ng facilitated registration booths sa 14 remotes areas hanggang February 10.
Sa opisyal na listahang ibinigay sa media, magsisimula ang naturang inisyatibo sa Oriental Mindoro ngayong araw.
Susundan naman ito ng facilitated SIM Registration sa Magpet, Cotabato.
Sa Huwebes, February 9, magiging bukas naman ang pagpaparehistro sa mga lugar ng Bauang, La Union; Echague, Isabela; San Simon, Pampanga; Agoncillo, Batangas; Libmanan, Camarines Sur; Abuyog, Leyte; Salay, Misamis Oriental; La Paz, Agusan Del Sur; and Bauko, Mountain Province.
Ayon sa NTC, ang huling araw ng assisted registration ngayong linggo ay gagawin sa Pandan, Antique; Bogo, Cebu; and Padada, Davao Del Sur.
