-Reymund Titong
KABANKALAN CITY, Negros Occidental — Matapos ang pagpatigayon sang isa ka dako nga protesta sa banwa sang Hinigaran sang Sabado, Hunyo 1, wala nag pang-utod sang kuryente ang Negros Occidental Electric Cooperative (NOCECO) sa mga kunsomidores nga wala pa naka-bayad sang ila bill sa bulan sang Mayo.
Pahayag ni Irene Viason, lead convenor sang South Negros Power Advocates (SNPA) gin abi-abi man sang mga kunsomidores sang NOCECO ang pagdula sang penalty kag wala pagpang-utod sang kuryente sa bulan sang Mayo. Apang, suno sa iya, dapat mas tagaan importansya ang dalayon nga pagpanubo sang presyo sang kuryente.
READ: Sinimana nga prayer rally batok sa NOCECO, pagapatigayon sa banwa sang Hinigaran
Para kay Hinigaran mayor Nadie Arceo, dapat tublagon sang NOCECO ang Energy Regulatory Commission (ERC) para approval sang kontrata sini sa Kepco Selcon, isa ka power generator nga naka-base sa Cebu, agud mangin establi ang presyo sang kuryente kag mabuhinan ang pagkuha sang kuryente sa spot market, sa diin mas mataas kag indi ma kontrol ang presyo sang kuryente.
READ: HISTORIC FIRST: Labing una nga protesta batok sa NOCECO humalin 1982, natigayon sa Hinigaran
Suno pa kay Viason, dapat indi pag pabuyan-buyanan sang mga executive committee sang NOCECO ang power agreement contract sa Kepco Selcon, kay amo lang ini ang isa sa mga sulosyon para indi masyado ma-apektohan ang mga kunsomidor sa pagsaka sang kuryente.
Madumduman nga ang Hinigaran ang numero uno nga banwa sa probinsya nga naga-kuntra sa pagtaas sang presyo sang kuryente sang NOCECO.*
