Muling nagpatupad ng panibagong balasahan ang pamunuan ng Philippine National Police sa hanay ng mga matataas na opisyal nito.
Itinalaga bilang OIC ng Office of the Deputy Chief for Administration si NCRPO Chief PMaj. Gen. Jose Melencio Nartatez Jr.
Papalit kay Nartatez bilang Acting Regional Director ng NCRPO si PMaj. Gen. Sidney Hernia.
Itinalaga rin bilang Acting Director ng PNP Forensic Group si PBrig. Gen. Benjamin Sembrano, habang itinalaga naman si PBrig. Gen. Constancio Chinayog Jr. bilang Acting Director ng Personnel and Records Management.
Si PCol. Jeffrey Decena ay magiging Acting Regional Director for Administration sa Police Regional Office – 3
Magiging epektibo ang balasahan sa October 9.
Nauna ng itinalaga nitong nakaraang Linggo si Police Major General Edgar Okubo bilang Acting Chief of the Directorial Staff ng PNP.
